Aberto o prazo de inscrición para os cursos da Escola Municipal de Ballet de Ribeira

20190801. A Escola Municipal de Ballet de Ribeira abriu hoxe as inscricións para os cursos correspondentes ao exercicio do 2019-2020, prazo que permanecerá aberto ata o 9 de agosto. Así, contan co curso 2019-2020 de Danza Clásica nos distintos niveis para nenos e nenas a partir dos 4 anos en adiante, sen límite de idade; así como o curso de adultos de Danza Clásica para todos aqueles que desexen retomar ou tomar clases de ballet clásico.

Os interesados poden dirixirse ao Conservatorio Municipal Enrique Paisal, en horario de 10.00 a 13.00 horas, ou solicitar información a través do teléfono 981873204 e do enderezo electrónico danza@riveira.com.