A Xunta destina 79.000 euros a sete proxectos de mellora en aloxamentos turísticos do Barbanza

23 Agosto 2019

20190823. A Consellería de Cultura e Turismo resolveu as axudas dirixidas a establecementos turísticos de aloxamento para realizar actuacións de mellora e modernización de infraestruturas, que na área do Barbanza suman un investimento de máis de 79.000 euros para incentivar sete proxectos.

O delegado territorial da Xunta na Coruña, Ovidio Rodeiro, explicou que esta orde beneficiará a negocios situados nos concellos de Outes, A Pobra do Caramiñal, Ribeira, Porto do Son, Outes, Rianxo e Muros. As axudas, que van desde os 5.000 ata os 18.000 euros, destínanse á mellora de hoteis, establecementos de turismo rural, pensións e apartamentos turísticos. No total da provincia da Coruña, a Consellería de Cultura e Turismo inviste nesta orde de axudas un total de 531.000 euros para melloras en 43 establecementos.

As achegas, que se enmarcan no Plan MAT de Mellora de Aloxamentos Turísticos que impulsa a Consellería de Cultura e Turismo, poden supoñer para os promotores entre o 30 e o 35 por cento do investimento subvencionable, ata un máximo de 35.000 euros. A través desta orde de axudas, que se convocan en concorrencia competitiva, a Xunta apoia accións de accesibilidade e supresión de barreiras arquitectónicas nestes negocios; obras para a optimización das instalacións coa finalidade de obter certificacións de calidade, en especial a Q de Calidade Turística; ou actuacións para incrementar a clasificación do establecemento e elevar a súa categoría.

Comprende, así mesmo, iniciativas de climatización que favorezan a sustentabilidade introducindo medidas de aforro enerxético; a modernización das instalacións e do embelecemento do entorno; ou a renovación dos equipamentos mobles necesarios para o funcionamento do establecemento de aloxamento nas súas diferentes tipoloxías.

Os destinatarios das subvencións son establecementos turísticos de aloxamento incluídos no Rexistro de Empresas e Actividades Turísticas da Xunta (REAT), con especial incidencia nas pequenas e medianas empresas do sector. Estes apoios pretenden estimular a incorporación de elementos de sustentabilidade e accesibilidade nas instalacións e a renovación das infraestruturas de cara á modernización e á prestación dos servizos cos maiores estándares de calidade.

Outros artigos

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...

“Mellor é falar”. Luís Celeiro

“Mellor é falar”. Luís Celeiro

Moitos dos lectores lembran como era aquelo de chamar por teléfono aos parentes deMadrid ou de Barcelona, ao noivo de Lleida ou de Cádiz, ao veciño emigrante en Suíza ou encalquera lugar industrial de Alemaña. Moitos aínda se acordan hoxe daquel teléfonoparroquial que...