A nova edición da Festa do Percebe de Aguiño promociónase na capital galega

01 Agosto 2019

20190801. A Festa do Percebe de Aguiño celebrarase este domingo 4 e, con tal motivo, a organización do festexo desprazouse ata Santiago de Compostela para dar a coñecer as características desta consolidada cita gastronómica.

As instalacións escolleitas foron as do mercado A Galiciana e o acto contou coa presenza da conselleira do Mar, Rosa Quintana; da conselleira de Política Social, Fabiola García; do alcalde de Ribeira, Manuel Ruiz; das edís Ana Ruiz e Ana Barreiro; e do patrón maior da Confraría de Pescadores de Carreira-Aguiño, José Antonio Santamaría.

Este último explicou as características dunha festa que cumpre xa a súa vixésimo segunda edición e cuxa apertura de portas está prevista para as 12.45 horas. Un pouco antes farase a entrega de galardóns aos percebeiros de honra, nesta ocasión o teólogo Andrés Torres Queiruga e o artista Xosé Antonio Touriñán.

Outros artigos

Publicidade

Revista en papel

Opinión

“A vivenda” – José Manuel Pena

“A vivenda” – José Manuel Pena

É un ben de mercado para o negocio particular ou un dereito básico, fundamental e humano, como pode ser a educación, a sanidade, a prestación por desemprego ou a xubilación? A vivenda, en Galicia e no resto de España, continúa sendo un negocio e un ben de...