A escritora Marina García López analiza en Rianxo as pegadas arxentinas de Castelao e Eduardo Dieste

23 Agosto 2019
Castelao en Bos Aires no 1940

20190823 A literatura en Rianxo trabállase como un oficio e fálase dela colectivamente, como dun edificio que se fai para o ben común ou como unha praia marisqueira que cómpre preservar e cultivar. Froito disto son as actividades de formación e debate que ofrece este verán Axóuxere Editora e que chegan esta finde a un momento álxido do seu desenvolvemento. Será da man da escritora Marina García López, residente da casa Axóuxere en Brión, que dirixirá o seminario de pensamento De Rianxo para o mundo(análise da obra gráfica de Castealo e Eduardo Dieste en Arxentina) na Biblioteca Municipal (este venres 23, de 17 a 19 horas, e mañá sábado 24, de 11.00 a 14.00 e de 17.00 a 20.00 horas) e na residencia de escritores de Axóuxere en Brión (o domingo 25, de 11 a 14 horas).

O obradoiro, que se desenvolve (como todo o programa de obradoiros estivais de Axóuxere) conxuntamente co Concello de Rianxo e a Deputación da Coruña, compleméntase coa conferencia Modernidade na pegada gráfica de Castelao e Eduardo Dieste, o venres 23 de agosto ás 20 horas na Casa Museo de Rafael Dieste.

A autora galega Marina García López foi elixida este ano para participar na residencia de escritor@s de Axóuxere polo interese dun proxecto de seu que estuda a influencia do traballo artístico de Alfonso Daniel Rodríguez Castelao e Eduardo Dieste no rumbo das artes gráficas riopratenses cara á modernidade. “Especialmente interesante tamén a revalorización da pouco coñecida figura de Eduardo Dieste”, destacou o comité encargado de seleccionar as autores e autores beneficiados das estadías en Brión, na casa da editorial.

Outros artigos

Publicidade

Revista en papel

Opinión

“Grosera manipulación del CIS”. José Castro López

“Grosera manipulación del CIS”. José Castro López

Todas las encuestas previas a las elecciones del 18-F acertaron en la intención del votode los gallegos con diferencias mínimas en la adjudicación de escaños. Todas, menoslas promovidas por un medio de comunicación cercano al Gobierno de España y las tresque realizó...

“Son os anos…”. Xulio Xiz

“Son os anos…”. Xulio Xiz

Anos e experiencia permítenme ser un optimismo relativo que ve o arredor coa mellor das perspectivas, estimando que a maioría das persoas fai as cousas o mellor que pode, e as administracións teñen intención benéfica nas accións que enfrontan. Os anos danme...