20190708. A novena edición da Regata Congalsa-Volta a Sálvora proclamou como vencedores ao Ziralla Primero de Ramón Barreiro (RCN Sanxenxo), na clase Regata; ao Due de Fernando González e Rafael Blanco (RCN Portosín), na Cruceiro/Regata; e ao Somni de Helmut Bande (CND Ribeira), en Cruceiro.
Cunhas condicións metereolóxicas óptimas, ao redor da vintena de veleiros participantes saíron ás 14.00 horas desde as inmediacións do porto deportivo de Ribeira para realizar o percorrido costeiro pola contorna das illas e illotes de Rúa, Sálvora, Noro e Vionta.
No primeiro tramo, colocáronse á cabeza da categoría Regata o Ziralla Primero, o Moucho de Daniel Ayaso (CND Ribeira) e o Youkounkoun de Eduardo Segade (CN Portonovo).
Respecto ao Cruceiro-Regata, o podio alcanzouno o Due, o Ay Carmela de Juan Martínez Pazó (LCM Bouzas) e o Cámping Ría de Arosa de José Manuel Pombar (CN Boiro).
Por outra banda, o apartado Cruceiro estivo liderado polo Somni, seguido do Arosa VI de José Luís Torres Colomer (CND Ribeira) e o Salut de Antía Kuba (CND Ribeira).
Tras o remate da competición, as instalacións do Club Náutico Deportivo de Ribeira acolleron a entrega de premios. No acto estiveron presentes o presidente de Congalsa, Luís Simarro; o director xeral da firma, Luís Miguel Simarro; o presidente do CND Ribeira, José Luís Torres Colomer; o Comodoro, José Luís Lomba; o alcalde, Manuel Ruiz; o responsable da Patrulla Fiscal e de Fronteiras da Garda Civil de Ribeira, Juan Carlos Matilla; a presidenta da asemblea local ribeirense de Cruz Vermella, Ángeles Cores; e a responsable de relacións externas de Congalsa, Isabel Cañas.
