20190708. O Día da Bici de Ribeira acolleu onte a numerosas persoas que decidiron pedalear xuntas para reivindicar este deporte e a mobilidade non contaminante. A praza de España foi o punto de saída, ás 11.00 horas, e chegada ao tratarse dun percorrido circular.
Ademais, procedeuse ao sorteo de material deportivo e de dúas bicicletas co obxectivo de fomentar a participación e reivindicar o uso deste vehículo.
O Concello de Ribeira foi o encargado da súa organización xunto con empresas colaboradoras locais coma Podium, Sport Bike, Gadis, La Fortuna Administración de Loterías, Deportes Estévez, o Centro de Fisioterapia María Martínez Paz e Os Saltamontes Club Ciclista.
