20190708. O mes de xullo caracterízase porque os concellos homenaxean á Virxe do Carme, protectora da xente do mar. Rianxo fará o propio do 12 ao 16 de xullo cunha ampla programación.
O domingo 14 terá lugar a Misa cantada pola Coral Abraira do CC Simon Varela de Asados, seguida da procesión marítima amenizada pola Banda de Gaitas Buxaina. Os grupos, charangas e orquestras serán as encargadas de poñerlle son á vida diúrna e nocturna. Marbella, Palladium, Grupo @s Jaitas Blues e Principal son só unha pequena mostra. Tamén destacan os concertos da Banda de Música do Concello de Boiro na praza de Rafael Dieste o domingo 14, ás 13.00 horas, así como a actuación de Sés o luns 15, ás 22.00 horas. Ademais, os máis pequenos da casa poderán desfrutar da festa da escuma, inchables, obradoiros e zona interactiva, entre outros.
Así mesmo, inclúese o Mercado Celta e o festival de rúa RianClown.
