20190730. A exposición O labor en silencio que desde finais de xuño se está a exhibir na Sala Museo Municipal de Ribeira está a recibir unha máis que aceptable afluencia, espertando o interese de persoas procedentes de multitude de puntos da xeografía nacional e internacional.
Visitantes de Suíza, Alemaña, Arxentina, Uruguai, Inglaterra, Estados Unidos ou, dentro do mapa estatal, das Illas Canarias, Madrid, Andalucía, Castela e León e, por suposto, de diversos puntos de Galicia, están a acudir a unha mostra na que, por medio dunha trintena de fotografías, se amosa o papel da muller na sociedade ribeirense tradicional realizando diferentes labores e oficios.
Unha das máis recentes visitas foi por un grupo procedente de La Bañeza en León.
