O Día da Dorna contará cun ‘Punto Violeta’

23 Xullo 2019

20190723. O Centro de Información á Muller de Ribeira porá en marcha mañá, mércores 24, con ocasión da celebración do Día da Dorna e en colaboración coa organización, un punto de información e prevención contra as violencias sexuais.

O punto estará emprazado na praia de Coroso, de 15.30 a 18.30 horas, en tanto que, entre a medianoite e as 03.00 horas, se situará na avenida do Malecón.

Denominado ‘Punto Violeta’, configúrase como un espazo itinerante habilitado en zonas de lecer e festivas de alta concentración de persoas, especialmente de carácter nocturno, onde persoal especializado realiza labores de información, sensibilización e prevención das violencias sexuais.

Apuntan que o obxectivo principal é o de informar, sensibilizar e previr as violencias sexuais, así como ofrecer información, asesoramento e axuda sobre onde acudir e que facer ante unha agresión sexual.

A información que se ofrecerá ás persoas que se acheguen tratará sobre temas de igualdade e prevención de violencias machistas en xeral, ofrecendo ademais información e documentación desenvolvida especificamente para o programa ‘Ribeira libre de agresións sexuais’.

Este mesmo punto xa estivo enclavado na noite do 19 ao 20 de xullo na zona de Bandourrío.

Outros artigos

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...