O BNG boirense solicita a apertura do aparcadoiro de A Boqueira de A Negral

08 Xullo 2019

20190708. A portavoz do grupo municipal do BNG no Concello de Boiro, Raquel Suárez Regades, presentou hoxe un escrito no Rexistro Xeral ao respecto da situación actual do aparcadoiro de A Boqueira de A Negral.

No texto expón que se trata dunha demanda reiteradamente solicitada polo BNG de Boiro e compartida polos socialistas cando estaban na oposición. Por iso, requiren que a Alcaldía boirense adopte as medidas precisas para proceder o antes posible á apertura ao público das instalacións municipais do aparcadoiro de A Boqueira de A Negral, xa que “é unha evidencia por todas e todos coñecida as dificultades de aparcamento que presenta o noso Concello, fundamentalmente no período estival, circunstancia que se agrava coa celebración das festas de verán nas que nos atopamos nestes días.”

De feito, sinala que un dos compromisos do BNG durante a pasada campaña electoral foi que, no caso de ter competencias no goberno municipal, a apertura deste aparcadoiro sería “unha das primeiras actuacións a executar.”

Así, considera que “a día de hoxe sería posible ter adoptado decisións tendentes a poñer a disposición da veciñanza de Boiro a infraestrutura referida, rachando deste xeito coas formas de facer política do anterior goberno do Partido Popular” porque xa transcorreron varias semanas desde que o actual alcalde accedeu ao cargo, así como que os edís do grupo municipal do PSdeG-PSOE ostentan as funcións propias de goberno pendentes da súa ratificación no Pleno de Organización preceptivo.

Outros artigos

Publicidade

Revista en papel

Opinión

“Auditorio” – José Manuel Pena

“Auditorio” – José Manuel Pena

Xa é unha grata realidade, o novo auditorio. Ribeira, necesitaba un auditorio en condicións e adecuado ao seu número de habitantes e da importante poboación da propia comarca do Barbanza. Este pasado sábado chegouse a inaugurar oficialmente, coa presenza de diferentes...