O Areal da Pobra súmase á Rede Galega de Praias Sen Fume

26 Xullo 2019

20190726 O fume do tabaco e as cabichas hai tempo que non fan boa combinación coas praias, se é que algunha vez chegaron a facela. Os Concellos da nosa comarca hai tempo que o entenden así e esta semana puidemos coñecer novas ao respecto. Primeiro, o recoñecemento da Xunta ao municipio de Rianxo como un dos máis comprometidos contra o tabaco nas praias (ten toda a súa listaxe oficial de areais adherida á Rede Galega de Praias Sen Fume). Segundo, o fortalecemento da mobilización de Pobra a prol da loita contra este hábito nos areais. A iniciativa foi dada a coñecer polo Concello e tradúcese na blindaxe anti-tabaco da contorna de O Areal.

Segundo explicou esta semana o Goberno pobrense, a súa participación activa na Rede Galega de Praias sen Fume traducirase nun convite ao colectivo de fumadores para suspender o seu hábito durante as súas estadías na praia mesma. A campaña estase a materializar na Pobra coa entrega de material informativo entre a cidadanía.

O Concello valorou o compromiso medioambiental, ecolóxico e saudábel da iniciativa: “Trátase de que as praias estean ceibes de adultos que fumen, e con iso lle dean un bo exemplo aos nenos; con isto des-normalízase o hábito de fumar e contribúese ao coidado do medio ambiente”. Tamén se informou de que a medida, malia estar activa polo de agora en O Areal, levarase en datas vindeiras a outras praias do concello (por exemplo na Corna).

Praias sen Fume é unha iniciativa da Consellería de Sanidade, pioneira a nivel estatal. A rede comezou a súa andaina no ano 2016, partindo dunha iniciativa do Concello de Baiona de 2012. A día de hoxe está integrada por 141 praias de 64 concellos (podémolo ver neste PDF), unha comunidade que medra cada ano (en 2016 a rede comezou con 26 praias e 19 concellos) e que abrangue non só municipios costeiros, sen tamén do interior, con praias fluviais. A iniciativa ten o obxectivo de educar e sensibilizar sobre os efectos negativos do tabaco, poñendo o foco no seu consumo nas praias, onde non só é prexudicial polo fume causado, senón por rematar, boa parte das cabichas, entre as areas.

En Barbanza, Rianxo conta coas seguintes praias adheridas: Tanxil, As Cunchas, Porrón e A Torre. Ribeira ten protexidas as praias de Río-Azor e O Touro, Pobra ten O Areal e Boiro, Barraña e Carragueiros.

Outros artigos

Publicidade

Revista en papel

Opinión

“Cuando los socios no apoyan al Gobierno”. Arturo Maneiro

“Cuando los socios no apoyan al Gobierno”. Arturo Maneiro

Cuando las materias que pretende conseguir o las normas quequiere aprobar no les favorece de forma clara -no sacan nada enlimpio, no hay más poder o más dinero-, los socios de investidurade Sánchez no lo apoyan; entonces, leña al PP.En estos casos, los ministros y...