20190701. A rúa Gasset da Pobra do Caramiñal, á altura da Casa da Cultura Raquel Fernández Soler, foi o escenario dun accidente que se produciu ás 11.45 horas. No sinistro víronse implicados un turismo e unha motocicleta de alta cilindrada que, segundo indicou a Policía Local, chocaron case de fronte, resultando ferido de gravidade o condutor desta última. De feito, tivo que ser trasladado ao complexo hospitalario en helicóptero. Ata o lugar desprazáronse Policía Local, Protección Civil, Garda Civil, ambulancia e helicóptero. Así mesmo, foi necesaria a intervención dos Bombeiros para a limpeza da estrada, a cal permaneceu cortada ata aproximadamente ás 14.00 horas. Polo de momento, descoñécense as causas da colisión.
