Carlos Callón presenta Inscricións na Romaría dos Libros de Compostela

23 Xullo 2019

20190723 Este 25 de xullo vaise celebrar en Santiago, na praza de Mazarelos a partir das 12.00 horas (até as 21.00), a Romaría dos Libros de Verán, organizada por Compostela Literaria en colaboración co Concello. Farán acto de presenza unha manchea de editoriais, librarías, escritoras e escritores, todas berrando de maneira simultánea o mesmo lema nas súas diferentes e complementarias variantes: os libros fannos mellores. Por alí, entre outros, pasará o ribeirense Carlos Callón, presentando a súa obra Inscricións acompañado de Serxio Abalo e JMDopazo. Será ao fío das 18.30 horas. A actividade compleméntase coa lectura dos poemas de Inscricións no Diario Cultural da Radio Galega ao longo de toda a semana.

Inscricións, por certo, foi publicado este ano por Galaxia.

Amais de poeta e ensaísta, Carlos Callón (Ribeira, 1978) é profesor de Xeografía e Historia no Instituto Espanhol de Lisboa. Doutor en Estudos Lingüísticos e Literarios do Galego e do Portugués. É presidente de honra da Mesa pola Normalización Lingüística. Publicou varios ensaios e o poemario Atravesar o fantasma (2014), seleccionado entre os mellores libros de poesía do decenio 2007-2016 no Premio Mondoñedo.

Outros artigos

Falece unha ribeirense de 50 anos atopada no chan da súa casa

Unha muller de 50 anos, cuxa identidade responde as iniciais T.M.M., faleceu esta noite na súa casa da céntrica Rúa Méndez Núñez, de Ribeira. Segundo informa o Diario de Arousa , foi a súa parella a que ao redor das oito do serán chamou o 112 para comunicar que non...

+

Publicidade

Revista en papel

Opinión

“Oporto”. Alberto Barciela

“Oporto”. Alberto Barciela

Oporto puede seguirse en el sentido serpenteante de un río, o en la vertical de un océano, ascenderse o descenderse por meandros encajados en calles que a veces semejan acantilados, que siempre se precipitan hacia agua, una urbe universal cerca del tiempo que le tocó...