Axóuxere presenta as súas novidades na casa: na Feira do Libro de Rianxo

26 Xullo 2019

20190726 Comezou este 25 de xullo a Feira do Libro de Rianxo e todo apunta a que será un dos grandes acontecementos editoriais da tempada en materia de actividades e novidades. Pola feira, que ficará aberta na vila (na praza de Castelao, en horario de 10.00 a 14.00 e de 18.30 a 22.30) até o domingo 28, pasarán importantes editoriais, librarías, escritoras e escritores da nosa terra, algúns/algunhas con Rianxo como centro de operacións. É o caso do selo Axóuxere, que presentará algunhas das súas máis recentes novidades.

Máis en detalle, Axóuxere dará a coñecer Na defensa dos animais de Óscar Horta e máis Vir a menos. Crítica da razón nihilista, de Brais Arriba. O primeiro libro será presentado o sábado ás 20.30 horas, contándose coa presenza do autor e máis de Rafa Xaneiro (editor). A quenda do segundo será o mesmo día ás 21.30 horas, estando prevista a participación do autor e máis de Roberto Abuín (editor).

Na defensa dos animais

Tirada do prelo a pasada primavera, Na defensa dos animais é unha obra do filósofo e experto en ética animal da USC Oscar Horta. Trátase, en palabras de Axóuxere, “dun libro moi interesante arredor da cuestión animal, do especismo, e da relación que como sociedade e como individuos mantemos cos animais non humanos”. É ademais unha obra oportuna, no sentido de ser fonte e orixe de preguntas e reflexións “nun momento no que a conciencia social sobre este tema está a emerxer con forza”.

Vir a menos

Vir a menos. Crítica da razón nihilista, do filósofo ourensán Brais González Arribas é unha obra que partindo dunha relectura do nihilismo clásico, reformúlao dun novo xeito e “conforma unha vía de pensamento que, transitando desde a ontoloxía até a economía, abre camiño para confrontar o exceso da razón hexemónica”. Ou sexa, a teima de enxalzar o desenvolvemento e a importancia do home por enriba de todas as cousas, unha teima que segue a coller novos azos grazas á suba do neoliberalismo. O libro leva un prólogo de Teresa Moure.

A contribución de Galaxia

Outra das editoriais que participará actividade na Feira do Libro de Rianxo será Galaxia, que presentará (con concerto incluído do autor) o libro-disco de Xoán Curiel no que homenaxea a Antón Fraguas e o seu legado, Canta, Miña Pedra, Canta. Será o domingo 28 ás 19.00 horas. Por outra banda, Galaxia tamén dará a coñecer o libro Fina, A Pirata, da escritora Helena Villar Janeiro, afincada en Rianxo, e da ilustradora Eulalia Agreso. Será o xoves 25 ás 21.00 horas.

Outros artigos

Este venres comezan as Festas da Virxe do Carme de Rianxo

Este venres 12 de xullo comezan as Festas da Virxe Do Carme de Rianxo, que ofrecen a residentes e visitantes cinco completas xornadas de celebracións festivas con todo tipo de actividades. A axenda comeza este venres co festival RianClown a partir das 20.30 horas e co...

+

Publicidade

Revista en papel

Opinión

“Cuando el payaso llora” – Manuel Domínguez

“Cuando el payaso llora” – Manuel Domínguez

Cuando el Payaso llora. A punto de salir a pista, tras las cortinas, los últimos minutos, la tele habla de los niños asesinados en Gaza, el bombardeo cruento del Hospital en Ucrania, tanta muerte inocente. Al payaso le cae una lagrima, recorre su mejilla dejando...

“Igualdade e dignidade”. Luís Celeiro

“Igualdade e dignidade”. Luís Celeiro

A moitos dos que andan polas alturas da función ou da acción política gústalles falar dorespecto á vontade popular, á que a mesma Constitución de 1978 alude no seu Preámbulo,cando fala de “consolidar un Estado de Dereito que asegure o imperio da lei como expresiónda...