A troula dorneira afronta unha finde en gráfica ascendente

19 Xullo 2019

20190719 Que coincida a Festa da Dorna con fin de semana só pode significar unha cousa: troula asegurada. E se ademais non hai previsión de chuvia en Ribeira (só unha pequena probabilidade de orballada o sábado pola mañá), entón o tema xa non vai haber quen o amañe.

As actividades deste sábado, Día do Orjullo Jaiteiro, comezarán sobre as 11.00 da maña, coas ruadas de Trécola, Andavía, Río de Anxo, Os Liantes, Faíscas de Solobeira, Amor Ruibal, Riparia, Tahube, Laghareu, Aloumiño, Mámoa, Meiró e Os Viqueiras. A continuación, unha hora máis tarde, será a quenda dunha ruta de tapas polas fanequeiras autorisadas: as redes de operacións das peñas. Pola tarde a comunidade dorneira, que medra e se expande por momentos (a gholpe de fin de semana e aporte turístico de novas e novos adeptos), terá que medir talentos na nova edición dos Xojos Populares, versión olímpica, no estadio da praia de Coroso. Xa pola noite, a partir das 22.12, celebrarase nos locais un dos acontecementos que máis e mellores momentos ten deparado a participantes e non participantes (solistas e sufridos ouvintes): o Sertame Itinerante de Cansión de Tasca.

As actividades do domingo

A semana terá un día para descansar, pero a Festa da Dorna pasa por riba desta norma olimpicamente, e nunca mellor dito. Ás 12.00 comeza o Jran Basar Dorneiro na porta do Sol (praza da Igrexa de toda a vida), seguido de varios concertos de sesión vermú no parque García Bayón (Louband, Mekánika, etc). Pola tarde, os participantes no Jran Prix de Carrilanas darán os últimos retoques ás súas sempre ben deseñadas creacións automobilísticas, para culminar ás 21.00 horas, cando o actor Manuel Manquiña dea a saída do certame, que será retransmitido en directo grazas a un despregue nunca visto de equipos audiovisuais dispostos ao longo e ancho da costa da Mámoa.

A noite rematará cunha nova sesión do Rock & Dorna e da clásica batalla do Ji-Jó Dorneiro.

Outros artigos

O Concello de Ribeira reforza o alumeado público na rúa de Galicia

O Concello de Ribeira informou dun reforzamento do alumeado público nalgunhas contornas do centro urbano da cidade, concretamente no treito da rúa Galicia comprendido entre o Mercado Municipal e o cruzamento co Parque García Bayón. Segundo informaron fontes do...

+

Publicidade

Revista en papel

Opinión

“Cadaquén coa súa idea”. Luís Celeiro

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...

“Good morning, Baltimore”. Antón Luaces

“Good morning, Baltimore”. Antón Luaces

Este xoves foron recuperados outros dous cadáveres supostamente doutros tantos obreiros da maior infraestrutura marítima de Baltimore, considerada a de máis lonxitude de Estados Unidos, que foi derrubada o pasado martes polo portacontedores "Dalí", que bateu contra a...