20190731. Dentro da programación das Festas de Verán ribeirenses, a Tenda-Galería O Faiado abriu unha exposición colectiva de pintura e escultura integrada por 16 obras de Fernando Rey, Óscar Cabana e Antonio Souto. Ata alí achegouse a concelleira de Cultura, María Sampedro, quen foi unha das primeiras persoas en contemplar esta mostra guiada por Eugenia Gómez. Todo aquel que o desexe pode achegarse ata o 27 de setembro.
Ademais, ás 12.00 horas, máis dun cento de nenos e nenas, entre os que se atopaban os asistentes aos campamentos municipais de conciliación, tiveron a oportunidade de asistir na praza do Concello a un espectáculo de maxia ofrecido polo prestidixitador Álex Louzao, xa que por motivos de saúde non puido acudir o mago Xacobe como estaba anunciado. Unha cita que fixo as delicias dos espectadores, que riron a cachón.