Suma Ribeira explica nunha asemblea as reunións con PP e PBBI

08 Xuño 2019

A Casa do Mar ribeirense acolleu ás 20.00 horas unha asemblea do partido político Suma Ribeira. O propósito era dar a coñecer os gastos da campaña electoral, valorar o resultado das eleccións, explicar a súa postura de cara a elección do próximo alcalde, os próximos pasos a dar e favorecer a participación dos asistentes.

María Soledadad Guevara foi a encargada de explicar os cartos destinados para a campaña municipal do pasado mes. O límite de gasto estaba estipulado en preto dos 3.000 euros, “recadando 1.897 con aportacións privadas e gastando un total de 1.766.”

Pola súa parte, Xulio Ageitos fixo un balance do acadado nos comicios onde, segundo expresou, “a situación non mellorou para a esquerda social, senón que empeorou.” Aínda que consideran que o seu resultado non foi “excesivamente malo, xa que entramos na corporación cun concelleiro e agora toca seguir traballando.”

Seguidamente, Xurxo Ferrón, cabeza de lista da formación, desgranou o tratado nas reunións que mantivo, acompañado de Celia García e Xulio Ferrón, con Manuel Ruiz, do PP, e con Vicente Mariño, do PBBI, reiterando a súa postura de absterse de cara a investidura. A primeira xuntanza tivo lugar o martes co líder dos populares e trataron temas como a transparencia trasladándolle ao alcalde en funcións que, entre outras cousas, consideran que a web do Concello “resulta opaca, falta acceder a moito contido.” O segundo encontro foi o xoves co candidato do PBBI, rexeitando calquera tipo de pacto ou acordo e reafirmándose así na súa decisión.

Outra das intervencións foi a de Celia García, quen manifestou o “compromiso coa transparencia e a participación” por parte da agrupación publicando os datos na web ou establecendo contacto directo, entre outras iniciativas, así como o propósito de organizar “estas asembleas periodicamente para aportación dos cidadáns.”

Finalmente, os asistentes tiveron a oportunidade de expoñer as súas dúbidas e de transmitir as súas inquedanzas.

Outros artigos

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...

“Mellor é falar”. Luís Celeiro

“Mellor é falar”. Luís Celeiro

Moitos dos lectores lembran como era aquelo de chamar por teléfono aos parentes deMadrid ou de Barcelona, ao noivo de Lleida ou de Cádiz, ao veciño emigrante en Suíza ou encalquera lugar industrial de Alemaña. Moitos aínda se acordan hoxe daquel teléfonoparroquial que...