Ribeira acolle unha nova edición da Travesía a nado Illa de Rúa

27 Xuño 2019

20190627. Este fin de semana celebrarase a terceira edición da Travesía a nado Illa de Rúa impulsada polo técnico Juan Carlos Brión; a presidenta da xunta local ribeirense da Asociación Española Contra el Cáncer (AECC), María José Carreira; o alcalde de Ribeira, Manuel Ruiz; e o presidente do Club Náutico Deportivo de Ribeira, José Luis Torres Colomer.

O sábado terá lugar a recepción dos visitantes e a charla sobre augas abertas, mentres que o domingo se desenvolverá o groso deste evento benéfico, onde os preto dun cento de participantes deberán percorrer 4.400 metros con saída desde o peirao Náutico de Ribeira ás 10.45 horas. Así mesmo, un catamarán, ao cal se pode subir libremente, navegará polas augas da ría para permitir contemplar de preto o desenvolvemento da cita. Os inscritos disporán dun prazo máximo de tres horas para completar a proba e se non a finalizan en dito prazo ou amosan síntomas de malestar, serán retirados da auga.

Ademais, haberá un podio masculino e outro feminino cos seus correspondentes trofeos, así como premios ao nadador máis novo e ao máis veterano ou a quen logre superar algún dos récords acadados por Manuel Simón Cotelo (00:47.09) e Anne de la Fuente (00:48.07). Tamén outorgarán unha medalla a tódolos participantes e realizarase un sorteo de regalos con produtos doados polas entidades e empresas colaboradoras.

Outros artigos

Publicidade

Revista en papel

Opinión

“Portas xiratorias, interese público”. José Luís Calo

“Portas xiratorias, interese público”. José Luís Calo

España ten moito que mellorar na loita contra a corrupción. O Grupo de Estadoscontra a Corrupción do Consello de Europa (GRECO) publicou dous informes deseguimento que avalían o cumprimento por parte de España das súasrecomendacións para previr a corrupción. O “GRECO”...