Mobilización para impedir os vertidos de lodos preto de Sálvora

10 Xuño 2019

Portos de Galicia autorizou o vertido dos lodos procedentes do dragado do río Lérez de Pontevedra nunha zona situada moi preto de Sálvora, pertencente ao Parque Nacional das Illas Atlánticas. Noticia que sentou como unha xerra de auga fría para o sector pesqueiro e marisqueiro da comarca. O patrón maior de Ribeira e presidente da Federación Galega de Confrarías, José Pérez, expresou que a xente o para pola rúa para preguntarlle pola situación porque “todo o mundo está inquedo.” Respecto da forma na que coñeceron a información, manifestou que “ninguén se puxo en contacto con nós, descubrímolo pola prensa.” Agora están pendentes da reunión que se manterá mañá ás 17.30 horas en Santiago de Compostela coa conselleira do Mar. Á xuntanza con Rosa Quintana acudirán el mesmo, o seu homólogo de Aguiño-Carreira, José Antonio Santamaría, o alcalde en funcións de Ribeira, Manuel Ruiz, e o presidente da federación provincial, Daniel Formoso. Agardarán ao contido dese encontro para valorar se tomarán medidas, aínda que Pérez indicou que “temos esperanzas de que tivo que ser un erro. Non imos consentilo.”

Formacións políticas do municipio e colectivos en defensa do medio ambiente tamén reaccionaron ao proxecto para o vertido na ría arousá. O portavoz do BNG ribeirense, Xosé Vázquez Cobas, cualifica a pretensión como un “atentado ambiental e económico para Ribeira e Aguiño”. Os nacionalistas destacan as consecuencias para o medio natural, así como para o sector do mar poñendo “en serio risco centos de postos de traballo do sector marisqueiro, pesqueiro e turístico.”

Do mesmo xeito, Suma Ribeira declara o seu “total rexeitamento” e a intención de iniciar “unha oposición activa a que se produzan os vertidos”, así como a proposición de constituír unha Plataforma Cívica “na que sen exclusións, participen Confrarías, Asociacións de Bateeiros, Organizacións ecoloxistas, partidos políticos e todos os axentes sociais que así o consideren.”

Pola súa parte, a Plataforma en Defensa da Ría de Arousa (PDRA) pronunciouse contra esta medida. Deste xeito, hoxe manterán unha reunión para tomar algunha decisión co obxectivo de paralizar o depósito.

Outros artigos

Aguiño será sede da ACT o vindeiro sábado día 20 de xullo

Hoxe déronse cita na escultura dos percebes de Aguiño, os alcaldes de Ribeira, Boiro, A Pobra do Caramiñal, a xerencia da Mancomunidade Barbanza Arousa, o patrón maior de Aguiño, edís do concello de Ribeira e a xunta directiva da ACT para presentar a proba de remo...

+

Publicidade

Revista en papel

Opinión

“Sete anos non son nada?”. Antón Luaces

“Sete anos non son nada?”. Antón Luaces

Na mencida do 24 de abril de 2017, tres mariñeiros de Poio perderon a vida nun accidente protagonizado pola embarcación de baixura Nuevo Marco. Foi na ría de Pontevedra, e sete anos máis tarde -coma se ocorrese onte- a Xunta informa que comeza a adopción de medidas...

“Hay jueces que hacen política”. Manuel Velo

“Hay jueces que hacen política”. Manuel Velo

Hay jueces y líderes del PP que al unísono acusan al legislativo y al gobierno de que no respetan la separación de poderes cuando ellos son los primeros en no hacerlo. La separación de poderes exige lo siguiente. El poder emana de la soberanía del pueblo eligiendo al...