María Maceiras e Iker Fernández, gañadores do concurso de chíos contra os estereotipos de xénero

28 Xuño 2019

20190628. María Maceiras Pérez, de 17 anos de idade, e Iker Fernández Vidal, de 14, foron a primeira e o segundo gañador do concurso de chíos contra estereotipos de xénero promovido desde o Centro de Información á Muller (CIM) de Ribeira. Hoxe foron recibidos polo alcalde Manuel Ruiz no transcurso dos actos conmemorativos do Día do Orgullo LGTBIQ+.

María Maceiras formulou o chío “imaxinemos un mundo onde todos sexamos iguais? Sería aburrido non? a diversidade é enriquecemento, non deixemos que nos asignen uns valores predeterminados polo feito de ser muller ou home; sexamos o que realmente queramos e sobre todo felices @CimRiveira #RachaEstereotipos”; mentres que Iker Fernádez “estou canso de que cada vez que alguén (normalmente maior) me coñeza asuma automáticamente que por ser un home teño que xogar al fútbol #RachaEstereotipos”

O obxectivo do concurso era sensibilizar á poboación ante a necesidade de erradicar esas crenzas fortemente arraigadas acerca de como deben ser os homes e mulleres simplemente polo seu sexo. O primeiro premio consistiu nunha tableta e o segundo nun altofalante.

Outros artigos

Publicidade

Revista en papel

Opinión

“Meus irmáns” – Xulio Xiz

“Meus irmáns” – Xulio Xiz

Fóronse meus dous irmáns: Mato, o maior, e Santi, o pequeno. O maior, morreume hai unhas semanas. O máis novo, o día do Pai. Se Xesús tivo vida longa e froitífera, Santi foise moi cedo despois de poñer unha pica en Bristol. Os tres somos tamén agora irmáns en terra:...