Manuel Ruiz revalidaría a alcaldía ribeirense por terceira vez consecutiva

13 Xuño 2019

O escenario político de Ribeira continúa caracterizándose pola incerteza do que sucederá no pleno de investidura do sábado, aínda que segundo os últimos acontecementos todo apuntaría a que o popular Manuel Ruíz resultaría reelixido alcalde en minoría, xa que as outras forzas políticas non chegaron a ningún tipo de acordo ou pacto.

O BNG celebrou unha asemblea local na que aprobou a abstención do partido no pleno de investidura, ao mesmo tempo que ratificou a Xosé Vázquez Cobas como líder da formación.

Tamén Suma Ribeira, con Xurxo Ferrón á cabeza, celebrou unha asemblea na que acordaron “non apoiar a ningún dos posibles candidatos na votación no vindeiro Pleno de proclamación do Alcalde”, polo que se absterán.

Así mesmo, o PSdeG-PSOE encabezado por José Manuel Vilas organizou o sábado unha asemblea onde acordaron votar polo seu candidato, o cal “non é incompatible, en ningún caso, con seguir dialogando co resto de forzas políticas” para a elección do próximo día 15 e que se o resto de formacións deciden apoiar o seu proxecto, están dispostos a constituír un goberno municipal en minoría.

Pola súa parte, o líder do PBBI, Vicente Mariño de Bricio, convocou onte unha reunión con BNG, PSdeG-PSOE e Suma Ribeira co obxectivo de buscar “unha alternativa a este tipo de políticas inmaduristas, este tipo de políticas antipactoriais que se fixeron nestes últimos anos en Ribeira”, sinalando que tenderán a man para un cambio e agardarán ata o último minuto, así como que votarán polo seu candidato. Os nacionalistas ribeirenses rexeitaron a invitación “en conformidade co acordado na asemblea que celebramos”, ademais de que consideran que a formación liderada por Vicente Mariño non é o cambio para o municipio, polo que reiteran que se absterán porque “non imos favorecen ningún goberno de dereita.” Despois do encontro, PSdeG-PSOE e Suma Ribeira indicaron que a súa decisión non cambiara, polo que votarían polo seu cabeza de lista e se absterían, respectivamente.

A lista do PP liderada por Manuel Ruiz Rivas logrou ser a máis votada mantendo así os 9 escanos cos que xa contaba, pero sen acadar a maioría absoluta estipulada en 11. O Partido Barbanza Independente de Vicente Mariño de Bricio irrompeu no panorama político ribeirense con 7 actas, mentres que tanto o PSdeG-PSOE coma o BNG, encabezados por José Manuel Vilas Álvarez e Xosé Vázquez Cobas respectivamente, conseguiron 2 concelleiros cada un. E tamén destaca a entrada en escena da agrupación Suma Ribeira con Xurxo Ferrón Vidán á cabeza que acadou 1 edil. Deste xeito, Iniciativa Progresista de Ribeira capitaneada por Rosa García Pose  e Ciudadanos por Laura Riveiro Rodríguez perderon os seus representantes na corporación municipal, así como o Compromiso por Galicia de Óscar Casáis Montemuíño que non conseguiu entrar no consistorio.

Outros artigos

Publicidade

Revista en papel

Opinión

“La profesionalidad del Gobernador”. José Castro López

“La profesionalidad del Gobernador”. José Castro López

El Gobernador del Banco de España finalizó el mandato y Pablo Hernández de Cos sedespidió con la elegancia de un caballero y con la profesionalidad del eminenteeconomista después de seis años al frente de una institución clave para la economía y elsistema financiero...