Estudantes de Educación Secundaria asistiron esta mañá no Auditorio Municipal de Ribeira a un encontro baixo o nome Iridium, o cal pretende visibilizar o dano cerebral e que contou coa participación do autor da novela do mesmo título, Francisco Castro, e mais coa neuropsicóloga Amparo Rodicio.
Enmarcada no Xuño da Cultura e as Artes, a actividade está organizada pola Editorial Galaxia en colaboración coa Federación Galega de Dano Cerebral (FEGADACE), a Asociación de Dano Cerebral Alento e o Concello a través do Servizo Municipal de Normalización Lingüística.
