O actual alcalde acode a estas eleccións para seguir, nas súas palabras, “entregándose ao concello e á xente de Rianxo”. A proposta do até o de agora rexedor é ofrecer traballo e “un gran desexo” de seguir resolven os problemas das veciñas e veciños. Muíños, que busca nestes comicios a súa terceira lexislatura, asegura que a súa candidatura é a garantía de que Rianxo vai seguir avanzando e mellorando, e de que as persoas proseguirán estando “no centro da xestión e da acción de goberno”.
Adolfo Muíños Sánchez, nado en 1966, é licenciado en Pedagoxía e diplomado en Maxisterio pola USC. Foi educador, director de actividades de tempo libre e membro de diversos colectivos culturais.
A cabeza da candidatura do BNG de Rianxo está integrada por Adolfo Muíños, Adelina Ces Quintáns, Xusto Xosé Ordóñez Figueira, Hadriana Ordóñez Otero, Tobías Betanzos Rego, Raquel García Abuín, Xosé Vázquez González, Maura Rañó Arcos, Xosé Anxo Moares Collñazo e Cinthia Ermitas Romero Muñiz.