Varios arrestos en Boiro en relación co alixo de 1.400 quilos de cocaína do “Nuevo Furuno”

23 Xaneiro 2024

Axentes da UDYCO e do GRECO Galicia fixeron rexistros en vivendas da localidade

Imaxe de arquivo da detención do dono do Novo Furuno. TVG

A Policía Nacional arrestou este martes en Boiro varias persoas presuntamente relacionadas co alixo de 1.400 quilos de cocaína do Nuevo Furuno. O patrón e o tripulante do pesqueiro, detidos hai meses, tamén son desta localidade do Barbanza.

 Segundo fontes policiais, axentes da UDYCO e do GRECO Galicia fixeron rexistros en vivendas de Boiro e prenderon varias persoas.

Os arrestados foron trasladados a dependencias policiais pendentes de pasar a disposición do Xulgado de Instrución número 2 de Corcubión.

O apresamento do pesqueiro Nuevo Furuno produciuse en agosto no porto de Santa Mariña, en Camariñas.

Nas adegas ocultaba 1.400 quilos de cocaína. Daquela detiveran o seu único tripulante que estaba no barco cando comezou a operación.

O patrón e dono do pesqueiro fuxiu inicialmente e foi detido o 1 de decembro tamén en Boiro. Os dous vivían desde había pouco en Camariñas pero eran desta localidade do Barbanza.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.