O Acuartelamento Aéreo do Barbanza (monte Iroite, Noia) acolleu este mércores 10 de xaneiro a toma de posesión do comandante do Escuadrón de Vixilancia Aérea número 10, Javier Marcos Barreiro. No acto participou a subdelegada do goberno, María Rivas, quen salientou a importancia estratéxica destas instalacións tanto para a defensa nacional, como para ou control do trafico aéreo tanto militar como civil, “non obstante son as encargadas da detección, identificación e seguimento das aeronaves non noso espazo aéreo”, dixo.
No transcurso do acto, a capitá saínte, Seila García, con máis de 18 anos de servizo no acuartelamento, deu a substitución e a benvida ao comandante, todo iso nun acto presidido polo xefe do Sistema de Vixilancia e Control do Mando Aéreo de Combate e que finalizou cunha homenaxe aos que deron a vida por España.
O novo comandante, Javier Marcos Barreiro que foi director da Academia de Infantaría de Toledo durante 3 anos, incorpórase ao EVA 10 despois dunha misión en Somalia.
O EVA 10 é a única instalada en Galicia dos 13 escuadróns dos que se dota o Exército do Aire en todo o territorio de España. Estes escuadróns son as unidades aéreas responsábeis da obtención, proceso e transmisión de datos radar para a súa posterior explotación polo Grupo de Mando e Control, para facer posible o cumprimento da misión asignada ao Sistema de Mando e Control Aéreo.
Estas instalacións creadas a principios dos anos 80, entraron en funcionamento o 1 de decembro de 1984, e desde a súa creación tamén teñen realizando diversas misións operativas, axudas radar á navegación, entre as cales destaca o apoio ao SAR durante os temporais na zona, participando en exercicios de defensa, e colaborando con organismos oficiais como o Centro de Coordinación do Salvamento Marítimo de Fisterra, o Instituto Nacional de Meteoroloxía e a Universidade de Santiago de Compostela.
