Novas instantáneas resultaron agraciadas unha semana máis dentro da campaña Consegue Caramiñas, Comparte Nadal da Pobra do Caramiñal. A concelleira da Promoción Económica, Amparo Cerecedo, fixo a entrega de cada un dos vales/caramiñas por un importe de 200 euros para trocar nos comercios e negocios locais adheridos.
Trátase dunha acción orientada ás redes sociais, segundo apunta a edil, que sortea 200 euros diarios, así como o gran premio da viaxe familiar a Eurodisney para catro persoas que patrocina a empresa Congalsa.
A dita iniciativa estenderase ata o día 5 de xaneiro e particípase compartindo as fotografías tomadas nos photocall coñecidos como
Recunchos do Nadal nas historias do Instagram, que debe ser público, mencionando a conta @caraminhasnapobra.
