Os Reis chegaron por mar a Rianxo e emprenderon despois o percorrido pola vila rianxeria nun desfile que contou con cinco carrozas. Unha empresa de animación participou no percorrido, achegando orixinais elementos mariñeiros feitos con globos, como unha traiñeira de seis metros, un barco de papel de catro metros, dúas piraguas, un polbo ou un caballito de mar. A charanga Vai de Roda e a banda de gaitas Buxaina animaron a camiñada, que culminou na praza Castelao, onde Fogo Fatuo montou un belén vivente, con música tradicional incluída. A cabalgata incorporou elementos realizados nun taller de cartón pedra, como unha balea e unha solla.
