A Policía Nacional detivo ao presunto autor dun roubo cometido fai dez días nun coche que estaba estacionado na praza dos Mariñeiros, e do que levou un botín valorado nuns 1.200 euros. Segundo recolle La Voz de Galicia o turismo pertence a Lida Álvarez, unha veciña de Aguiño que viñera a pasar a fin de semana á capital barbancesa e estacionara o vehículo un momento para facer uns recados.
No interior levaba o computador do traballo e dous bolsos repletos de roupa e obxectos persoais, e o que máis lle preocupaba era a información que gardaba no portátil e o uso que o delincuente podería facer dela. Segundo relatou, o coche non sufrira ningún contratempo, posto que o ladrón llas apañó para abrir o maleteiro sen forzar a fechadura.
A Policía Nacional puido recuperar as pertenzas que xa lle foron devoltas á propietaria e procedeu á detención do delincuente.
