O proxecto galego algaDRON quere revolucionar a explotación do medio mariño galego

08 Novembro 2023

ANFACO-CECOPESCA xuntou forzas con Soltec, o Grupo de Tecnoloxías Aeroespaciais da Universidade de Vigo e a empresa tecnolóxica Hacce Solutions para lanzar o proxecto algaDRON. Cun orzamento de 1.993.869,36 € a executar ao longo de 36 meses dentro do marco da convocatoria de Proxectos de Colaboración Público-Privada da Axencia Estatal de Investigación, ten como obxectivo “desenvolver unha ferramenta integral revolucionaria destinada a mapear e realizar un seguimento continuo da cobertura vexetal emerxida no litoral costeiro galego”.

Segundo engaden dende ANFACO nun plano máis concreto, algaDRON ten como meta principal “optimizar a explotación das masas de algas, un recurso natural de crecente importancia socioeconómica na nosa comunidade, onde se estima que a cantidade de algas de arribazón xeradas oscila entre 5.000 e 7.000 toneladas/ano”.

ANFACO engade que a ferramenta desenvolvida non só busca aumentar a eficiencia na súa explotación, senón tamén anticiparse “ás posíbeis floracións de mareas vermellas ou de especies invasoras, que poderían ter un impacto negativo no ecosistema das rías galegas e un prexuízo económico para os actores da cadea mar-industria”.

O proxecto algaDRON empregará tecnoloxías de vangarda. Estas inclúen sensores hiperespectrais para a caracterización precisa das diferentes especies de algas presentes nas rías como Ulva Lactuca ou Chondrus Crispus así como sistemas de voo non tripulado alimentados por pilas de hidróxeno e teledetección satelital. Estas ferramentas avanzadas permitirán unha monitoraxe precisa e eficaz, consolidando o compromiso das entidades involucradas en abordar os desafíos ambientais e económicos asociados á xestión sostible dos recursos naturais no litoral galego.

“O proxecto algaDRON”, apuntan dende ANFACO e o resto das entidades implicadas, “representa un paso audaz cara a un futuro máis sustentábel e ecolóxico para Galicia, mostrando como a innovación e a colaboración poden converxer para abordar os desafíos ambientais da nosa época”.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.