Bucanero representará no Teatro Cine Elma a segunda das funcións incluídas no ciclo teatral de novembro

06 Novembro 2023

As táboas do Teatro Cine Elma prepáranse para unha nova sesión teatral no domingo 12, ás 19.00 horas. Bucanero achegará a súa Sesión continua, unha homenaxe ao celuloide que fará un percorrido por filmes como 2001: unha odisea no espazo, O resplandor, Pulp Fiction, Febre do sábado noite, Instinto básico ou Psicose, entre outros. O deseño das luces e o traballo das actrices e actores son os piares desta aposta innovadora.

Trátase da segunda función no seo do ciclo teatral do mes de novembro que organiza a Concellaría da Cultura da Pobra do Caramiñal coa colaboración da Rede Cultural da Deputación da Coruña. Con relación a isto, a concelleira da Cultura, Patricia Lojo, refírese “á boa acollida das artes escénicas por parte do público pobrense, especialmente durante o outono e o inverno.”

O acceso é libre ata completar a cabida da instalación municipal, segundo informaron dende a Concellería de Cultura da Pobra do Caramiñal.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.