O establecemento BEEP Rianxo – Tenda R organiza esta tempada un curso homologado pola Xunta de Galicia destinado a loitar contra a fenda dixital de xénero no municipio rianxeiro e na súa contorna. Trátase dunha actividade formativa totalmente de balde e destinada a mulleres desempregadas do rural, para a adquisición de competencias dixitais orientadas ao emprendemento.
O curso comeza o 2 de outubro e desenvolverase de xeito presencial no devandito establecemento. Para calquera cuestión, podes contactar no teléfono 667 61 26 24 ou a través de beeprianxo@gmail.com. Serán 120 horas de contidos. As participantes recibirán unha tableta gratis ao participar no curso. Os bloques temáticos serán os seguintes: competencias dixitais básicas, competencias dixitais avanzadas e iniciación ás competencias dixitais para o emprendemento.
