A Mancomunidade Barbanza Arousa realizou o seu pleno de constitución, logo das pasadas eleccións municipais que se saldaron con tres novos alcaldes, os da Pobra, Ribeira e Rianxo. Na sesión constitutiva deste venres 21 de xullo tomou posesión a nova directiva. Renovando a presidencia de José Ramón Romero, alcalde de Boiro; tomou posesión por primeira vez como vicepresidente Luis Pérez, alcalde de Ribeira e, no cargo de vogais, Julián Bustelo, alcalde de Rianxo; e José Carlos Vidal, alcalde da Pobra do Caramiñal.
Esta renovada directiva continúa as liñas de traballo iniciadas nestes últimos anos e afronta a execución de ambiciosos proxectos coma o Plan de Sustentabilidade Barbanza Arousa. Viaxe s través dos Sabores, cun investimento de 1,5 millóns de euros a executar en tres anos.
Segundo fixeron saber os alcaldes, a partir deste pleno comeza o traballo conxunto para seguir cos obxectivos de desestacionalización do turismo, posta en valor da enogastronomía, natureza e Camiño de Santiago e potenciar a calidade e a diferenciación.
