O 9 de xuño celébrase o Día Internacional dos Arquivos, que conmemora a creación do Consello Internacional de Arquivos en tal día do ano 1948. O Cabildo do S. a. M. I. Catedral de Santiago de Compostela e o seu Arquivo- Biblioteca organizan varias xornadas para promover o valor do Arquivo da
Catedral e dos arquivos en xeral ao servizo da investigación, a cultura, a memoria e a transparencia.
Xornadas de Puertas Abertas para que calquera cidadán poida acceder e coñecer directamente os espazos, funcionamento e fondos do Arquivo Catedralicio, mediante a organización de visitas guiadas e gratuítas, á vez que continuarán os servizos habituais do centro, incluído o de consulta en sala. Este ano as xornadas realizaranse desde o día 5 ata o 9 de xuño.
As visitas constarán de: Un percorrido explicativo polas estancias do Arquivo e Biblioteca, con acceso
non só ao área pública senón tamén ás salas de catalogación e aos depósitos bibliográficos e arquivísticos, onde se custodia o valioso patrimonio documental da Catedral, incluíndo a Sala Capitular e a Biblioteca Histórica Capitular.
ou Na Sala López Ferreiro poderanse apreciar tres documentos orixinais dos máis representativos do Arquivo: o Códice Calixtino, un dos máis valiosos de Galicia e da Igrexa de España, clave no estudo do
culto ao Apóstolo e do Camiño de Santiago (no ano 2017 a UNESCO galardoou ao Arquivo co diploma que o acredita como Memoria do Mundo da UNESCO); o Tombo A, cartulario dos séculos XII e XIII
ilustrado cos retratos dos reis de Asturias, Galicia, León e Castela; e o Breviario de Miranda, manuscrito para uso litúrxico realizado no século XV, destacando as súas espectaculares miniaturas.
Na Biblioteca Capitular visitarase a exposición “Un novo arcebispo en Santiago: Miguel Ferreiro e Esgueva (1723-2023)” con motivo da toma de posesión de don Francisco José Prieto Fernández como novo
arcebispo o sábado 3 de xuño e en conmemoración do tricentenario da posesión do arcebispo Miguel Ferreiro e Esgueva. Os documentos permanecerán expostos desde o 2 ata o día 11 de xuño.
ou Ao rematar, os visitantes recibirán un agasallo de recordo.
Como sempre, os interesados poden acceder a toda a información sobre a nosa institución na páxina web do Arquivo:
http://catedraldesantiago.es/cultura/#arquivo .
DATOS VISITAS GUIADAS DÍA INTERNACIONAL DOS ARQUIVOS
- Días e horarios:
ou Luns 5 de xuño de 2023 (16:30)
ou Martes 6 de xuño de 2023 (18:00)
ou Mércores 7 de xuño de 2023 (18:00)
ou Xoves 8 de xuño de 2023 (10:30 e 18:00)
ou Venres 9 de xuño de 2023 (10:30, 16:30 e 18:00) - Duración da visita: 60 minutos aprox.
- Grupos de ata 15 persoas (máximo).
- Imprescindible realizar reserva previa (reserva aberta ata
completar prazas o mesmo día da visita unha hora antes). - Información e reservas:
ou Teléfono: 981 57 56 09 Atención: Luns-Venres (09:00 – 13:30) e
Luns-Mércores (16:30 – 19:00)
ou E-mail: archivo@catedraldesantiago.es
ou As reservas tomaranse por estrita orde de recepción de chamadas
e/o correos.
