O concello de Outes vai acoller o vindeiro 25 de maio (xoves, quinta feira) no Centro Social unha nova edición das Xornadas Sociosanitarias (convocatoria XVII) que organizan José Dios Diz, médico local de Atención Primaria e o Centro de Saúde, o Concello, a asociación ADISBISMUR, e a USC, entre outras entidades.
Desta volta a sesión porá o foco na figura do poeta local Francisco Añón, e a influencia que tiveron as doenzas do seu tempo e a medicina na súa vida e, por suposto, súa obra. A charla será impartida por Ramón Blanco Fernández, licenciado en Filoloxía Galega e mestrado en Estudos Medievais Europeos. A cita será como dixemos o 25 de maio ás 18.30 horas no Centro Social de Outes. As persoas interesadas en acudir deberán contactar co número 981 850 575.
Ao final do acto, o alcalde de Outes Manuel González procederá a clausurar esta edición das Xornadas Sociosanitarias.
Ademais, como vén sendo costume, o relator será agasallado con unha figura de artesanía feita polos usuarios de ADISBISMUR Valadares (Outes).
