A Policía Local de Ribeira denunciou a catro condutores por infraccións contra a seguridade viaria durante a noite do mércores. A vixilancia, realizada na contorna da avenida do Malecón, saldouse con tres positivos en alcol e outro en cocaína nas respectivas probas realizadas.
A pesar de que ningunha das persoas denunciadas por conducir cunha taxa de alcol superior a 0,25 cometeu unha infracción constitutiva de delito —para iso deberían superar o 0,65 no control de alcoholemia—, estas foron propostas para unha sanción administrativa que pode carrexarlles a perda de catro a seis puntos do carné, ademais dunha multa que pode oscilar dos 500 aos 1.000 euros.
No caso do condutor que lanzou un resultado positivo en cocaína, a súa infracción podería carrexarlle a perda de seis puntos no permiso e unha sanción económica de 1.000 euros.
