A Casa da Cultura de Outes acolleu unha nova conferencia de divulgación abeirada ás XVII Xornadas de Información Sociosanitaria e ás segundas Xornadas do Programa Universitario de Maiores en Outes (Cuarto Ciclo da USC), que se celebran entre outubro de 2022 e maio do ano que vén. A cita foi este xoves (quinta feira) 16 de decembro pola tarde. O tema a tratar foi a vacinación do papiloma en varóns e a poliomielite e o síndrome postpolio. O relatorio veu da man do doutor Ángel Lado Llerena, médico de Atención Primaria de Outes. O ciclo está a ser coordinado por Xosé Mª Dios Diz, médico especialista de Atención Primaria de Outes.
A conferencia Vacinación do papiloma en varóns e a poliomielite e o síndrome postpolio desenvolveuse no salón de actos da Casa da Cultura da Serra de Outes, baixo unha asistencia de mais de 50 persoas.
A coordinación correu a cargo do Dr. Xosé Mª Dios Diz, médico especialista de Atención Primaria de Outes. Ao final do acto, o relator foi agasallado con unha figura de artesanía feita polos usuarios de ADISBISMUR Valadares (Outes).
A vindeira conferencia vai a ser o 26 de xaneiro de 2022, baixo o título O tratamento que fai a prensa do tema sanitario impartida por María Obelleira Hermida, licenciada en Xornalismo pola USC e Graduada en Educación Primaria e directora do xornal Nós Diario. A cita será novamente na Casa da Cultura da Serra de Outes.
