Inspectores de Capitanía Marítima –que realizan as inspeccións no marco dos controis París-Mou– retiveron, de forma cautelar, un buque mercante no peirao da factoría de Pescanova, en Redondela , para confirmar que os 20 pasaxeiros de Indonesia que viaxaban a bordo facíano de formal legal.
Segundo recolle a axencia Europa Press a lexislación marítima internacional permite viaxar rexistrados como pasaxeiros ata 12 persoas en buques desas características. Neste caso, facíano un total de 20 persoas, pero estas mesmas fontes aclararon que de forma excepcional pódese ampliar este tope de viaxeiros.
