McDonald’s pretende abrir un restaurante a partir do próximo Nadal en Ribeira, e no que se xerarían ao redor de 40 postos de traballo directos. Desde a compañía norteamericana en España, que preside Luís Quintiliano, así como o franquiador que estará detrás deste establecemento e que xa xestiona outros negocios similares en Galicia, gárdase un mutismo absoluto, e por parte do propietario dos terreos onde está proxectada a súa instalación, pero segundo informa Diario de Arousa hai unha solicitude de licenza no Concello ribeirense para ese negocio, así como outras informacións sobre os plans de McDonalds na capital do Barbanza.
Os terreos nos que se pretende levar a cabo a construción do restaurante esta cadea a sitúan nunha parcela da leira da Soledad, próxima á gasolineira de baixo custo que hai no lugar de lugar de Xarás, así como nun cruzamento de estradas, como o feito de estar ao final da Autovía do Barbanza e da estrada AC-550 (Cee-Ribeira), así como moi preto do polígono industrial de Xarás. A superficie que terá o edificio construído roldará os 300 metros cadrados, cun salón con capacidade para ao redor de medio centenar de persoas, e está previsto que tamén dispoña dunha terraza de dimensións considerables e un amplo aparcamento.
