O Freixo (Serra de Outes) vai dar acollida este verán a un relevante acontecemento relacionado co mar: a primeira Feira Náutica do Freixo, organizada dende o Concello. Serán dous días de actividades, entre o 1 de xullo e o 3 de xullo, a desenvolver no Centro Náutico da dita vila mariñeira. O programa, entre outras cousas que se irán desvelando estes días, incluirá unha feira sectorial, unha convocatoria de bolsas de empregos, unha mostra de embarcacións tradicionais, travesías marítimas (por exemplo saídas en kayak de balde que permitirán ás persoas participantes navegar até as proximidades da praia de Broña, Tavilo, O Albán e mesmo até a illa da Creba), roteiros divulgativos, demostracións, degustacións e obradoiros de gastronomía, amais de música e “infinidade de actividades a carón do mar”.
As inscricións poden facerse online a partir do luns 27 de xuño.
