Ao abeiro da programación do Maio das Letras, a casa da cultura Raquel Fernández Soler da Pobra do
Caramiñal dará cabida neste 6 de maio, ás 20.30 horas, á inauguración dunha exposición de Manuel Teira e a presentación do volume Arthur Rimbaud. Iluminacións – Unha tempada no inferno, con tradución e notas de Manuel Cartea.
No acto intervirán a concelleira da Cultura, Patricia Lojo (PSdeG-PSOE), e os propios artistas, ademais de contar co acompañamento musical da pianista Tania Davila López.
Organiza a Concellaría da Cultura e a asociación cultural Barbantia, coa colaboración da A.C. Escola de Música da Pobra do Caramiñal.
A entrada é libre ata completa-la cabida.
O delegado do Goberno e o alcalde da Pobra formalizan a apertura do paseo da Ribeiriña
O delegado del Goberno en Galicia, Pedro Blanco, acompañado de membros do equipo de Goberno local, entre os que se atopaba o alcalde José Carlos Vidal e a concelleira de Obras, Patricia Lojo, supervisou este luns 29 de abril os traballos de recuperación ambiental da...