Varias empresas da comarca comunicaron xa o inminente cesamento da súa actividade ante a ameaza de falla de material polos bloqueos do transporte. É o caso de CONGALSA, radicada na Pobra do Caramiñal e referente nacional na elaboración de produtos precociñados ultraconxelados de peixe e marisco.
De manterse a actual situación de falta dun fluxo continuado de materia prima, a factoría non terá máis remedio que pechar as súas portas a próxima semana e mandar ao persoal á casa. Nas instalacións da empresa elabóranse mensualmente unhas 2.000 toneladas de produto de diverso tipo que requiren dunha elevada cantidade de materia prima. Grazas ao emprego doutros almacéns, a produción puido manterse ata o momento.
Desde a empresa informan que nalgunhas liñas tiveron que efectuar cambios. A empresa CONGALSA con sede en A Pobra e que tamén posúe en Portugal a factoría Sulpasteis, ten un persoal de 562 traballadores e pechou o pasado exercicio cunha facturación de 113 millóns.
