O Concello de Rianxo comunicou a convocatoria de axudas para axudar aos propietarios de fincas a protexelas dos estragos xerados polo xabaril. En concreto, achegarase financiamento para a adquisición de pastores eléctricos.
A orde foi publicada o 20 de xaneiro e nela especifícase que o importe máximo das axudas será de 150 euros por pastor alimentado por batería ou conectado á rede eléctrica e de 300 euros por pastor eléctrico cuxa batería se alimente con panel fotovoltaico. O prazo de presentación vai do 21 de xaneiro ao 21 de febreiro. Para máis información cómpre visitar a sede electrónica da Xunta (procedemento MT809D) ou requirir máis datos a través de medioambiente@concelloderianxo.gal.
