Xa co Nadal ás portas e a piques de comezar unha festa de tal relevancia para as nenas e nenos, Papá Noel quixo achegarse aos centros educativos de infantil e primaria da Pobra do Caramiñal para manter un encontro coas crianzas e coñecelas un pouco máis, ademais de apuntar aqueles agasallos que se esqueceron de escribir nas súas cartas.
As visitas comezaron na xornada deste 17 de decembro nas unitarias do Campo-A Angustia, Vilariño, CEP Pilar Mestú Sierra e Monte Carmelo. Continuará co seu itinerario no día 20 no CEP Salustiano Rey Eiras, EEI Fernández Varela e unitaria da Granxa.
Esta actividade atópase ao abeiro da programación impulsada para este Nadal dende a Concellaría da Promoción Económica, da cal é titular a edil Charo Varela (Nós Pobra).
