A Garda Civil de Boiro detivo a dous homes veciños da Pobra do Caramiñal como presuntos autores de cinco delitos de roubo, roubo con violencia e receptación de efectos en locais de hostalería da localidade pobrense. Os feitos ocorreron ao longo dos últimos meses en locais de hostalería da localidade da Pobra.
A Garda Civil iniciou unha investigación de todos os feitos para lograr a identificación plena do autor ou autores dos mesmos e a recuperación dos efectos subtraídos.
A benemérita logrou a identificación plena dos autores dos mesmos; dous veciños desta localidade, coñecidos das forzas de seguridade por outros feitos ilegais.
A Garda Civil procedeu á detención destas dúas persoas como presuntas autoras de cinco delitos de roubo con forza e dúas en grao tentativa, cooperación necesaria e receptación.
A Benemérita tamén esclareceu con esta detención un roubo con violencia e intimidación cometido o pasado día 3 a unha señora de 65 anos veciña da Pobra do Caramiñal, á que lle arrebataron con forza o bolso no que portaba as súas pertenzas. Sufriu lesións das cales tivo que ser atendida polos servizos sanitarios. A contía dos subtraído nos feitos delituosos ascendo a máis de 1.300 euros, gran cantidade de bebidas e comida valorada en máis de 3.500 euros, e a recuperación dun teléfono móbil, sinalan as mesmas fontes.
Os detidospasaron ao dispor do xulgado de Instrución de garda de Ribeira, que decretou o ingreso en prisión para un deles e liberdade con cargos para o outro.
