O Goberno galego dixera que o cambio entraría en vigor na madrugada do venres ao sábado, como todos os cambios nas restricións ata a data.
Con todo, un DOG (Diario Oficial de Galicia) excepcional de onte a última hora da tarde recolle outra norma sen que a Xunta, por agora, explicase os motivos do adianto.
En todo caso, as modificacións son as xa coñecidas, sendo a hostalería a principal beneficiada tanto en máis horarios como en máis aforos. Hai outras novidades, como a fin das máscaras no deporte federado, salvo para os nenos.
Unha edición bis do Diario Oficial de Galicia (DOG) publicada con data do 21 de outubro a última hora deste xoves. O documento estipula “a finalización da situación de emerxencia sanitaria no territorio da Comunidade Autónoma de Galicia declarada polo Acordo do Consello de la Xunta de Galicia do 13 de marzo de 2020 como consecuencia da evolución da epidemia do coronavirus Covid-19, a solicitude da Vicepresidencia e Consellería de Presidencia, Administracións Públicas e Xustiza”.
Na resolución publicada no DOG a última hora do xoves, sinálase que “este acordo fornecerá efectos desde a data da súa publicación no Diario Oficial de Galicia”.
A Xunta concreta que a finalización da declaración de emerxencia sanitaria no territorio da Comunidade Autónoma de Galicia “entenderase sen prexuízo da adopción polas autoridades competentes das medidas que sexan necesarias para a contención e control da pandemia derivada da Covid-19”.
