Dúas persoas necesitaron ser trasladadas logo de sufrir unha saída de vía co vehículo no que circulaban na Rúa do Norte, en Palmeira.
Foron varias testemuñas as que chamaron ao 112 Galicia, ás dúas da madrugada, para alertar dun accidente cun vehículo implicado contra unha varanda. De contado, os xestores do Centro Integrado de Atención ás Emerxencias de Galicia informaron ao 061, á Garda Civil de Tráfico, á Policía Local e aos Bombeiros da localidade. Estes últimos, foron os que lle confirmaron ao 112 que dúas persoas foran trasladadas ao Hospital do Barbanza.
