A Garda Civil detivo a unha muller da Pobra do Caramiñal , que xa contaba con antecedentes, como presunto autora dun furto de xoias de ouro valoradas nun total de 5.000 euros.
A investigación iniciouse por mor dunha renuncia interposta pola vítima o pasado día 10. Nela, comunicaba que alguén lle subtraeu varias xoias de ouro que tiña gardadas nuns caixóns secretos da mesa do salón da súa vivenda.
No transcurso das pescudas, os efectivos da Garda Civil lograron identificar á suposta autora dos feitos despois de coñecer que as pezas roubadas foran vendidas nunha tenda de compravenda de metais preciosos en Boiro.
A Benemérita só conseguiu recuperar algunhas das xoias vendidas nos últimos días, xa que as primeiras xa foran enviadas para a súa fundición. Finalmente, a Garda Civil detivo a unha veciña da Pobra do Caramiñal sobre a que xa figuraban antecedentes por feitos similares. A muller foi posta ao dispor do xulgado de garda de Ribeira.
