20190909. A vila pobrense acolleu o domingo a terceira edición do Gran Premio Tríatlon A Pobra do Caramiñal. Nesta nova convocatoria de sprint, preto de 300 triatletas disputaron os 750 metros de natación, 20 quilómetros de bicicleta e 5 quilómetros de carreira a pé.
En feminino, o ouro foi para Joselyn Daniely Brea (01:04:11’41), sendo a prata para Anneke Forrest (01:05:07’78) e o bronce para Ana Santiso (01:11:04’44). No que respecta a masculino, Alberto Castiñeira (00:59:50’64) acadou o primeiro posto do podio acompañado por Ricardo Hernández (01:00:20’81) e Andrés Cendán (01:01:05’45), segundo e terceiro respectivamente.
A proba de natación celebrouse na praia do Areal, consistindo nunha volta en sentido horario ao circuíto. En canto ao ciclismo, fixéronse 3 voltas, cun desnivel acumulado entre o 8% e 12%, transcorrendo pola DP-6703, travesía do Areal, rúa Venecia, rúa Gasset, praza Rosalía de Castro e rúa da Paz. Respecto á carreira dispuxéronse dúas voltas polo paseo da praia do Areal e porto.
