Turismo Ribeira vén de anunciar que este verán porá en marcha un servizo de visitas guiadas gratuítas polo municipio a enclaves naturais: por unha banda, ao parque periurbano de San Roque e, por outra, ao miradoiro de Pedra da Ra e o Castro da Cidá.
A visita a San Roque terá lugar os martes de xullo, agosto e setembro e permitirá adentrarse en tres manifestacións culturais da prehistoria galega como son o megalitismo, a arte rupestre e o castrexo, en horario de 11 a 12:30 horas.
Doutra banda, as visitas ao miradoiro de Pedra da Ra e o Castro da Cidá serán os venres de xullo, agosto e setembro, de 11 a 12:30 horas.
Así, o prazo de inscrición está aberto, e tódalas persoas interesadas deberán formular a súa solicitude na oficina de Turismo do Malecón, ou a través do teléfono 981 873 007 ou o email oficinaturismo@ribeira.gal. As actividades realizaranse baixo o cumprimento de tódalas medidas de seguridade por mor da pandemia da COVID-19.
