O mercado de artesanía local xuvenil da Pobra vaise celebrar finalmente o vindeiro 11 de xullo, o Cantón da Leña, en horario de 10.00 a 13.30 e de 16.00 a 20.00 horas. Trátase dunha iniciativa de dinamización comercial e creativa impulsada por un grupo de mozas e mozos do municipio e conta coa colaboración do Concello, a través da Área da Mocidade, da cal é titular o edil José Andrés Lojo (Nós Pobra).
Con esta proposta a prol da creatividade e o emprendemento xuvenil preténdese, ademais de contribuír á posta en valor do talento da xente nova da localidade, apoiar e buscar novas saídas aos proxectos xuvenís existentes na zona, así como darlles saída ás creacións das persoas que decidan participar.
Todas aquelas mozas e mozos que desexen sumarse aínda están a tempo ata o día 8 de xullo para se anotaren a través do enderezo electrónico mocidade@apobra.gal.
